«Исток-Башлангыч» үзәге Туган телләр һәм халыклар бердәмлеге елы уңаеннан чара оештырды

2021 елның 28 феврале, якшәмбе

Туган телләр һәм халыклар бердәмлеге елын үткәрү кысаларында Лениногорск районы «Исток-Башлангыч» халыкка социаль хезмәт күрсәтү комплекслы үзәге социаль хезмәткәрләре мәдәният идарәсе белән берлектә тематик очрашу уздырдылар. Чараның максаты – татар халкының мәдәни-тарихи мирасын саклау.

Өлкән яшьтәге гражданнар һәм мәктәп укучылары чакырылган чара китапханәдә узды. Очрашуда катнашучылар арасында сугыш ветераннары – тыл хезмәтчәннәре дә бар иде. Катнашучылар татар шагыйрьләренең шигырьләрен укыдылар, туган тел турында мәкальләр һәм әйтемнәр искә төшерделәр. Шулай ук кунаклар игътибарына китап күргәзмәсе дә тәкъдим ителде.