Социаль хезмәткәрләр өлкәннәр белән арт-терапия дәресләре үткәрәләр

2021 елның 26 феврале, җомга

Февраль аенда Кукмара районында «Тылсым» халыкка социаль хезмәт күрсәтү үзәгенең өйдә социаль хезмәт күрсәтү бүлекчәсе социаль хезмәткәрләре Зур Кукмара һәм Зур Сәрдек авыл җирлекләрендә арт-терапия дәресләре үткәрделәр. Чаралар белән 12 социаль хезмәт алучы колачланды.

Акварель буяулар белән рәсем ясау – җиңел, шул ук вакытта мавыктыргыч шөгыль. Ул кулларның вак моторикасын яхшырта, күзаллауны үстерә. Моннан тыш, рәсем ясау тынычландыра да. Социаль хезмәтләр алучылар арасында арт-терапияне көн саен практикалаучы да бар, әйтик, З. Ә. Әскәрова.

Арт-терапия тормыш белән кызыксынуны саклап кала, өлкәннәрнең иҗади сәләтләрен ача, дип саный социаль хезмәткәрләр Т. Р. Кашапова һәм Р. Ш. Гайфетдинова.