Алабуга интернат-йорты тормышыннан бер көн
Алабуга өлкәннәр һәм инвалидлар өчен интернат-йорты хезмәткәрләре монда яшәүчеләр вакытларын кызыклы һәм файдалы итеп үткәрсен, дип тырышалар. Һәр иртә учреждениедә фитнес-тренер Полина Анисимова дистанцион форматта үткәрә торган сустав гимнастикасыннан башлана. Дәресләрдә катнашучылар саны акрынлап арта бара, чөнки өлкәннәр үз сәламәтлекләрен саклауның мөһимлеген аңлыйлар.
Зарядкадан соң – аз мобильле яшәүчеләр белән бию терапиясе, ә аннары интернат-йортта төрле күңел ачу, танып-белү, спорт чаралары үткәрелә.
Кичә интернат-йортта Ржевск өлкәннәр һәм инвалидлар өчен интернат-йортында яшәүче Виталий Темников белән шахмат буенча онлайн-турнир узды. Уен бер сәгатьтән артык барды. Җиңүне Алабуга егете Альберт Бекмухамедов яулады, ул стационар учреждениеләр арасында республика шахмат турнирларында җиңүче.
Сәнгать сөючеләр «Старость в радость"» Хәйрия фондыннан «Репин – бөек рус рәссамы» онлайн-вебинарында катнаштылар.
Көннең икенче яртысында «Лейся, песня» түгәрәге эшли башлады. Өлкәннәр бик теләп киләсе бәйрәмнәргә яңа җырлар өйрәнделәр.
Шул ук вакытта интернат-йорт психологы аз хәрәкәтләнүче кешеләр белән индивидуаль дәресләр үткәрде: кемнедер планшет белән файдаланырга өйрәтте, кемдер белән хатирәләр терапиясе үткәрде.
Көн «М. Җәлилне төрле телләрдә укыйбыз» төбәкара акциясендә катнашу өчен видеороликлар яздыру белән тәмамланды.