«Хыял» социаль приютында тәрбияләнүчеләр авыл хуҗалыгы техникасы белән танышалар

2021 елның 16 феврале, сишәмбе

Аксубай районында «Хыял» балалар һәм яшүсмерләр өчен социаль приютында тәрбияләнүчеләр өчен гадәти булмаган экскурсия оештырылды. Мәктәпкәчә яшьтәге балалар авыл хуҗалыгы техникасы белән таныштылар.

Балаларга авыл хуҗалыгында кирәкле һөнәрләр, игелә торган культуралар, авыл хуҗалыгы предприятиесе хезмәткәренә кирәкле хезмәт күнекмәләре турында сөйләделәр. Балалар өчен иң кызыклысы авыл хуҗалыгы техникасы белән танышу булды. Балалар заманча техниканы карап кына калмады, ә тотып та карый алды. Агрегатларны караганда, тәрбияләнүчеләр тракторчылар, игенчеләр, механизаторлар эше турында сөйләштеләр.

Экскурсия бик кызыклы булды. Балаларның күбесе мондый техниканы беренче тапкыр күрделәр.