Кукмарада ветераннар арасында узучы “Балкыш” республикакүләм үзешчән башкаручылар конкурсының район этабы узды

2013 елның 8 апреле, дүшәмбе
Чараны районның ветераннар советы әгъзалары, “Тылсым” халыкны социаль тәэмин итү үзәге белгечләре һәм Кукмараның мәдәният бүлеге белгечләре әзерләгән иде.
Бәйгедә районның барлык авылларында яшәүчеләр дә катнашты. Тат Тулба авылында яшәүче иң өлкән катнашучы Миңзифа Габделфаязовага 85 яшь.  Ул тамашачыларны җыр белән сөендергән. Ә менә Дусайдан Әбүзәр Шаһабиев тальян гармунда татар халык көйләрен сыздырды. Валентина Борисова – иң актив һәм спорт сөюче  пенсионер залдагыларны удмурт халкы биюе белән шаккатырды.
Конкурс азагында ветераннар башкаруында  иң  матур, оста дип табылган номерарлар фестивальнең республика этабына сайлап алынды. Ул исә 19 апрельдә Кукмарада республиканың 10 авылы катнашында үткәреләчәк дип көтелә.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International