Алабугада урнашкан "Яңа йорт" приютында тәрбияләнүчеләргә әкияти дәрес бирделәр

Алабугада урнашкан "Яңа йорт" приютында тәрбияләнүчеләр өчен Рус-татар мәдәнияте декадасы кысаларында күңелле  чаралар уздырылды. Максаты: рус һәм татар халкының мәдәни асылташлары белән якыннан танышу.

Бу көнне балалар нәкъ менә рус-татар әдәбиятының йөзек кашлары булган ике бөек шагыйрь - Г.Тукай һәм А.Пушкинның "Шүрәле", "Алтын балык" әкиятләрен тыңладылар. 

Приют педагоглары балаларга бу әкиятләрнең яхшы, юмарт, акыллы, инсафлы булырга өндәүләрен әйтеп китте. Әлеге әкияти чара балалар күңеленә бик хуш килде.