Татарстан Республикасы Хезмәт, халыкны эш белән тәэмин итү һәм социаль яклау министрлыгы

Соңгы атнада ТР предприятиеләрендә 2 авыр җәрәхәт һәм 2 төркемле бәхетсезлек очрагы теркәлгән

2013 елның 15 марты, җомга

Татарстан республикасы Хезмәт, халыкны эш белән тәэмин итү һәм социаль яклау министрлыгы җитештерүдәге бәхетсезлек очраклары нәтиҗәсендә зыян күргән хезмәткәрләр хакындагы мәгълүматларны публикацияләүне дәвам итә. ТР Дәүләт Хезмәт инспекциясенең бүгенге көнгә булган саннарына караганда, 7 нче марттан 15 нә чаклы республикада 2 авыр җәрәхәт һәм 2 төркемле бәхетсезлек очрагы теркәлгән.

10 март көнне ТФК “Аско” ҖЧҖдә бу атнада беренче авыр бәхетсезлек очрагы теркәлә. 25 яшьлек балта остасы терәк кронштейннарын монтажлаган вакытта иминият билбавын кабат эләктерә, һәм шул чакта 4,5м биеклектәге мәйданчыктан егылып төшә.

Икенче авыр бәхетсезлек очрагы Әлмәт медицина профилактикасы үзәгендә була. Медуниверситет болдырында бирегә командировкага килгән физик культура укытучысының башына бозлы кар килеп төшә, нәтиҗәдә аның баш мие җәрәхәтләнә.

Төркемле бәхетсезлек очрагы 11 мартта Яр Чаллыда урнашкан «Двигательмонтаж-НК» ҖЧҖдә була. Торба көйләгән вакытта, ул металл конструкциясенең балкасына тиеп китә, нәтиҗәдә торба, монтажниклар басып торган күперчек белән бергә, җиргә ава. Бер эшче үлә, калганнарының да сәламәтлегенә зыян килә.

Хисап атнасы эчендә икенче төркемле бәхетсезлек очрагы Әлмәт районы үзәк сырхауханәсендә теркәлгән. Казан-Оренбург трассасында халыкка медицина ярдәме күрсәтергә баручы бер төркем табиблар юл һәлакәтенә очрыйлар. Врач-невролог, врач-терапевт һәм ике шәфкатъ туташы җиңелчә җәрәхәтләр алалар.

Бу атнада үлем белән тәмамланган очраклар күзәтелмәгән.

Барлык күрсәтелгән бәхетсезлек очраклары буенча да тикшерү бара.

Министрлыкның матбугат хезмәте үзәге

БАРЛЫК ЯҢАЛЫКЛАРНЫ УКУ