Татарстан Республикасы моношәһәрләрендә эшсезләр саны кимү дәвам итә

2020 елның 25 ноябре, чәршәмбе

Соңгы мәгълүматларга караганда, Яр Чаллыда рәсми рәвештә теркәлгән 7 093 эшсез граждан исәпләнә, бу узган хисап датасына караганда 808 кешегә кимрәк.

Шулай ук бу атнада Алабуга, Яшел Үзән, Менделеевск, Түбән Кама, Кама Аланы һәм Чистайда эшсезләр саны кимеде, анда 2020 елның 25 ноябренә халыкны эш белән тәэмин итү үзәкләрендә 1 464, 1 459, 138, 3 764, 409 һәм 556 эшсез кеше исәптә тора.