Минзәлә интернат-йортында яшәүчеләр өмәгә чыктылар

2020 елның 19 октябре, дүшәмбе

Хезмәт терапиясе кысаларында Минзәлә өлкәннәр һәм инвалидлар өчен интернат-йортында күмәк өмә булып узды, өмәдә социаль хезмәт алучылар актив катнашты.

Чараның план-графигы нигезендә һәр хезмәткәргә һәм яшәүчеләргә билгеле бер эш бүленеп бирелде. Эш башланыр алдыннан интернат-йорт хезмәткәре Любовь Наумова техника куркынычсызлыгы буенча инструктаж үткәрде, ә соңыннан барысы да эшкә кереште.

Өмә барышында территория коелган яфраклардан, чабылган һәм корыган үләннәрдән чистартылды, клумбаларда корыган чәчәкләр җыештырылды. Шулай ук чарада катнашучылар көзге уңыш калдыкларын да җыйдылар.