Түбән Каманың «Веста» үзәге «Төрле балалар – тигез мөмкинлекләр» проектын тормышка ашыруда катнаша
Түбән Каманың «Веста» гаиләгә һәм балаларга социаль ярдәм үзәгендә күрү буенча инвалид балалар һәм аларның сәламәт яшьтәшләре өчен «Showdown» өстәл теннисы буенча инклюзив дәресләр уза.
«Түбән Кама һәм Түбән Кама муниципаль районы хатын-кызлары» иҗтимагый оешмасының «Төрле балалар – тигез мөмкинлекләр» проекты 2020 елда гражданлык җәмгыятен үстерү өчен Россия Федерациясе Президенты грантын отты. «Веста» үзәге аны тормышка ашыру буенча партнер булып тора.
Өстәл теннисы укытучысы проектта катнашучылар белән «Showdown» буенча укыту дәресләре курсын үткәрә. Уен шулкадәр мавыктыргыч һәм өстәмә көч таләп итми, шуңа күрә аны төрле яшьтәге һәм мөмкинлекләре булган кешеләр уйный ала. «Showdown» сәламәтлекне ныгытырга, организмның нормаль физик үсешенә ярдәм итә, координацияне, хәрәкәтләрнең төгәллеген һәм тизлеген, чыдамлылыкны, игътибар һәм тиз фикерләүне үстерә, командада эшләргә өйрәтә. Күрү буенча инвалид бала өчен спорт белән шөгыльләнү – сәламәтлекне физик яктан ныгыту гына түгел, ә кирәкле мораль-психологик климат та.
Проектны тормышка ашыру инвалид балаларны сәламәт яшьтәшләре белән бергә социомәдәни эшчәнлеккә җәлеп итәргә ярдәм итәчәк, алар җәмгыять тормышында башкалар белән беррәттән катнашуларын сизә алачак. «Веста» үзәге базасындагы уртак психологик дәресләр сәламәт балаларны үзләренең «үзенчәлекле» яшьтәшләрен аңларга һәм кабул итәргә, алар белән дөрес аралашырга өйрәтәчәк, ә инвалид балаларны куркудан арынырга өйрәтәчәк. Проект нәтиҗәләре өстәл теннисы буенча «Showdown» турнирында ясалачак.
Үзәк психологы балалар белән психологик дәресләр үткәрә, ә белгечләр кирәк булган саен консультатив һәм методик ярдәм күрсәтәләр.
Проектны тормышка ашыру тәмамланганнан соң, балалар үзләренең сәламәт яшьтәшләре белән яраткан спорт төре белән шөгыльләнүләрен дәвам итә алачаклар. «Веста» үзәге базасында өлкәннәр һәм инвалид балалар йөри торган спорт түгәрәге эшләячәк.