Спас өлкәннәр һәм инвалидлар өчен интернат-йортында мандалотерапия уңышлы кулланыла

2020 елның 14 октябре, чәршәмбе

Бүген Спас өлкәннәр һәм инвалидлар өчен интернат-йортында яшәүчеләр өчен мандалотерапия буенча чираттагы дәрес үткәрелде.

Технология социаль хезмәт алучылар белән эш вакытында уңышлы кулланыла. Иҗади процесска чуму психоэмоциональ халәтнең үзгәрүенә ярдәм итә, тискәре фикерләрдән арынырга, үз-үзең һәм әйләнә-тирә дөнья белән гармониягә ирешергә булыша.

Мандалотерапия – арт-терапиянең нәтиҗәле һәм мавыктыргыч ысулы. Өлкәннәр мондый дәресләргә бик теләп йөриләр, ә соңыннан үзләренең иҗади эшләре белән сөенәләр.