“Гаилә” үзәгендә хатын-кызларны көч кулланудан яклау турында фикер алыштылар

2013 елның 1 марты, җомга
         Кичә “Гаилә” гаиләгә һәм балаларга социаль ярдәм күрсәтү үзәгендә “Өйдә көч куллану” темасына багышланган методик семинар булып узды.
         Әлеге чара барышында социаль эш буенча белгеч Н.Зудинова көнкүрештә хатын-кызларга карата көч куллану мәсьәләсенә тукталып үтте. Аның сүзләренчә, Бөтендөнья сәламәтлекне саклау оешмасының тикшеренүләренә караганда, ел саен 4 миллион хатын-кыз ирләре тарафыннан физик көч куллануга дучар була икән.  Русиядә исә  һәр ел саен 14 меңнән артык хатын-кыз тормышы белән саубуллашырга мәҗбүр.
         Авыр тормыш шартларында калган хатын-кызлар өчен Санкт-Петербургта Кризис үзәге эшли. Аның мисалында семинарда катнашучылар көчләү корбаннарына психологик һәм социаль ярдәм күрсәтү төрләрен барладылар. Чит ил гаиләләрендә теркәлгән көч куллану очраклары да әлеге очрашуда катнашучыларның игътибарыннан читтә калмады. Мәсәлән, Канадада җәберләүне туктату өчен  беренче чиратта кисәтүче, профилактик чараларга басым ясала икән.
         Дәреснең практик өлешендә психолог “ни өчен кеше корбан була?”, “бу бәладән ничек сакланырга?” кебек сорауларга җентекләп җавап бирде.
         Белгечләр уйлавынча,    әлеге чара хатын-кызларның бу авыр проблемасын чишүдә һәм аларны көч кулланудан саклауда дөрес ысуллар табарга  файдалы булачак.
Министрлыкның матбугат хезмәте үзәге
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык
Документлар
Матбугат хезмәте
Гражданнарның мөрәҗәгатьләре
Адрес: 420044, Казан шәһәре, Волгоград урамы, 47
Телефон: кайнар элемтә: 8-800-100-00-01, 557-21-12 (Халык белән эшләү секторы)
Факс: +7 (843) 523-90-74
E-Mail: mtsz@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International