Зәйнең Тәрбия мәктәбендә аз хәрәкәтләнүче гражданнарга хезмәт күрсәтүче караучылар укый
7нче октябрьдән Зәй районының «Шатлык» халыкка социаль хезмәт күрсәтү комплекслы үзәгендә «Демография» милли проектының «Өлкән буын» төбәк проектын тормышка ашыру кысаларында уңышлы эшләп килүче Тәрбия мәктәбе үз ишекләрен аз хәрәкәтләнүче гражданнарга хезмәт күрсәтүче караучылар өчен ачты. Укулар «Шатлык» үзәге тарафыннан, «Содействие» Владимир социаль ярдәм үзәге» коммерцияле булмаган автоном оешмасының төбәк вәкиллеге белән берлектә оештырылды.
Теоретик белемнәрдән тыш, уку кысаларында сиделкалар гамәли күнекмәләр дә алачак: аз хәрәкәтләнүче гражданнарны ашату алымнары, караватта урнаштыру, гигиена процедураларын үткәрү, юрганнарны алмаштыру. Шулай ук инсульт кичергән авыруларны карау, аларны торак бина эчендә һәм аннан читтә мобилизацияләү кагыйдәләренә өйрәтү буенча дәресләр үткәрү планлаштырылган.
Дәресләр Зәй үзәк район хастаханәсе табиблары белән Карау мәктәбе укытучысы тарафыннан уздырылачак.