Татарстан Республикасы Хезмәт, халыкны эш белән тәэмин итү һәм социаль яклау министрлыгы

Татарстан Республикасы Хезмәт, эш белән тәэмин итү hәм социаль яклау министрлыгында хезмәткә түләү буенча Координация советының чираттагы утырышы узды

2013 елның 22 феврале, җомга

Татарстан Республикасы Хезмәт, эш белән тәэмин итү hәм социаль яклау министрлыгында социаль хезмәт мөнәсәбәтләрен җайга салу буенча республика өчъяклы комиссиясе янәшәсендә халыкның тормыш дәрәҗәсе, керемнәре, хезмәткә түләү буенча Координация советының чираттагы утырышы узды. Аның төп темасы оешмалар тарафыннан үтәлә торган мәҗбүри социаль, пенсия, медицина иминиятләштерүләре өчен түләүләр, хезмәт хакын вакытында түләмәү буенча финанс-икътисадый хәл һәм бурычларны каплау мәсьәләләре буларак яңгырады.

Утырыш министрның беренче урынбасары Айрат Хәсәнов җитәкчелегендә узды.

Координация советы утырышында җәмгысе биш министрлыктан килгән вәкилләр катнашты. Бу хезмәт, эш белән тәэмин итү hәм социаль яклау; финанс; авыл хуҗалыгы; икътисад, сәүдә һәм сәнәгать, төзелеш, архитектура һәм торак-коммунальхуҗалык министрлыклары. Шулай ук совет эшендә ТР буенча РФ Пенсия фонды бүлеге, ТР буенча РФ социаль иминиятләштерү Фондының җирле бүлеге, ТР Прокуратурасы, ТР Дәүләт хезмәт инспекциясе, ТР буенча салым хезмәте Федераль Идарәсе, ТР икътисад һәм социаль тикшеренүләр үзәге, ТР Төзүчеләр Союзы да актив катнаштылар.

Утырышта Казан, Кукмара, Балык Бистәсе, Югары Ослан районнарының бурычлы предприятиеләре эше каралды. Алар барысы да , бурычларын түләп бетерү шарты белән, республика өчъяклы комиссиясе янәшәсендә халыкның тормыш дәрәҗәсе, керемнәре, хезмәткә түләү буенча Координация советының контролендә калдырылды. «ВАМИН Татарстан» ААҖ филиалы «Кукморстройсервис»ка 1 мартка кадәр вакыт бирелде, «Казанское Специализированное Управление «Термостепс» ААҖнә - 15 мартка чаклы, «Вектор» ҖЧҖ и «Сафьян» ААҖнә - 1 апрельгә, Балык Бистәсе районының «Агрофирма «Кама» хуҗалыгына агымдагы елның 1 июненә кадәр вакыт бирелде. Ә менә Югары Осланның «Племенное Дело Приволжье» ҖЧҖнә таләпләр башкачарак куелды. Аларның эше, хезмәт саклау кануннарын үтәү һәм хокукый җавап кайтару мәсьәләләренә мөнәсәбәттә тикшерү узу өчен, ТР Дәүләт хезмәт инспекциясенә җибәреләчәк.

Министрлыкның матбугат хезмәте үзәге

БАРЛЫК ЯҢАЛЫКЛАРНЫ УКУ