Әлмәтнең балалы гаиләләре алиментлар түләтү мәсьәләләре буенча консультацияләр алды

2020 елның 10 сентябре, пәнҗешәмбе

8 сентябрьдә, айның беренче сишәмбесендә, Әлмәт районы социаль яклау идарәсендә балигъ булмаган балалар тәрбияләүче гаиләләргә алимент түләттерү мәсьәләләре буенча чираттагы бердәм хокукый ярдәм көне узды.

Гражданнарның сорауларына башкарма комитетның «Кайгырту» идарәсе белгече Хәмидә Сәлиева, адвокат Наталья Доронина, мәшгульлек үзәге вәкиле Фәридә Кадыйрова җавап бирде.

Барлыгы биш хатын-кыз консультация алды, аларның элеккеге ирләре балигъ булмаган балаларына алимент түләми. Аларның барысына да килеп туган проблемаларны хәл итү юллары тәкъдим ителде.