Тәтеш районында ведомствоара рейдлар дәвам итә
Тәтеш муниципаль районында гаиләләрне янгын куркынычсызлыгы таләпләрен үтәү буенча тикшерү дәвам итә.
Шулай итеп, 3нче сентябрь көнне 2нче социаль участок территориясендә социаль куркыныч һәм авыр тормыш хәлендә булган гаиләләргә ведомствоара чыгу оештырылды. Ведомствоара комиссия составына түбәндәгеләр керде: «Тәтеш балкышы» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм күрсәтү бүлегенең социаль эш буенча белгече Н. А. Мерзлова, Балигъ булмаганнар эшләре һәм аларның хокукларын яклау буенча комиссиянең җаваплы сәркәтибе Н. В. Николаева, район мәгариф бүлеге методист-психологы С. Н. Мальченко һәм балигъ булмаганнар арасында гаилә иминлеге һәм хокук бозуларны профилактикалау буенча инспектор Н. Г. Болтунова.
Рейд барышында Зур Әтрәч һәм Кече Шәмәк авылларында яшәүче гаиләләрнең торак-көнкүреш шартлары тикшерелде. Гаилә әгъзалары белән янгын куркынычсызлыгы таләпләрен үтәү буенча инструктаж үткәрелде, автоном янгын хәбәрчеләренең төзеклеге тикшерелде.