Яр Чаллыда үзмәшгульлек белән шөгыльләнүче бер сәгатькә әби булып эшли
Зоя Гаус актив һәм урында утырырга күнекмәгән пенсионер буларак, төрле укыту курслары узган, компьютер үзләштергән инде. Зоя Сергеевна – 2015 елда V Бөтенроссия компьютер чемпионатында җиңүче, ул башка пенсионерларны компьютер грамотасына уңышлы өйрәтеп килгән.
Хәзер Чаллыда яшәүче ханым үзе өчен яңа проект башлап җибәргән – ул бер сәгатькә әби булып эшли. Зоя Сергеевна башлангыч сыйныф укучыларын мәктәпкә кадәр озата һәм аларны дәресләрдән соң каршы ала, бәйләү буенча мастер-класслар бирә, гади ризыклар әзерләргә өйрәтә. Кирәк булганда, ул балаларга өй эшләрен әзерләүдә дә ярдәм итә.
Балалар белән эшләү тәҗрибәсе дә бар инде аның. Кайчандыр Зоя Сергеевна 7-14 яшьлек кызлар өчен ишегалды клубында бәйләү түгәрәге алып барган.
Соңрак, хезмәткә ихтыяҗ булган очракта, З. С. Гаус бу эшкә башка әбиләрне дә җәлеп итәргә планлаштыра.