Сарман районында "Җылы куллар" акциясе узды

Шушы көннәрдә Сарман районы ирекле хәрәкәте волонтерлары "Җылы куллар" дип исемләнгән хәйрия акциясе уздырдылар. Әлеге чара авыр хәлдә калган гаиләләргә ярдәм итү йөзеннән оештырылган. Егетләр-кызлар алдан ук бәйләгән оекбашлар, бияләйләр, шарф, подгузник, яңа туган балаларга киемнәр, ашамлыклар, кер юу порошоклары алып, аларны шул гаиләләргә таратып чыктылар.

Волонтерлар билгеләгәнчә, әлеге "Җылы куллар" акциясе - кешеләрнең авыр хәлләренә битараф булмауның ачык билгесе. Әлеге пакетларны алган һәркем изге йөрәкле волонтерларның ярдәмен күреп ихлас күңелдән шатланды һәм рәхмәтләрен җиткерде.