Арча тернәкләндерү үзәгендәге балалар татар орнаменты белән таныша

2020 елның 27 феврале, пәнҗешәмбе

ТАССРның 100 еллыгына багышланган чаралар кысаларында Арчаның «Өмет чаткысы» мөмкинлекләре чикле балалар һәм яшүсмерләр өчен тернәкләндерү үзәгендә тәрбияләнүчеләр сәнгать мәктәбендә булдылар. Алар өчен «Татар читекләре» дигән мастер-класс оештырылды.

Чараның максаты – балаларның иҗади сәләтләрен үстерү, милли аяк киемнәре белән таныштыру. Балалар, милли орнамент файдаланып, аяк киемен матур итеп бизәргә мөмкин булуын белделәр.

Тәрбиячеләрнең сүзләренә караганда, мондый чаралар балаларны милли гореф-гадәтләр белән таныштыра, игътибарлылыкны үстерә.