«Яңарыш» тернәкләндерү үзәгендә игелекле эшләр көне узды

2020 елның 19 феврале, чәршәмбе

Халыкара игелек көне һәм Балачак унъеллыгы кысаларында Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә «Игелекле эшләр сукмагы» дигән чара уздырдылар. Анда 33 бала катнашты.

Чараның максаты – балаларга кеше гамәлләренең башкаларга ничек тәэсир итүен, әйләнә-тирәдәгеләрнең кәефен күтәрү ничек җиңел икәнен аңларга ярдәм итү.

3 нче урта гомуми белем бирү мәктәбе скаутлары балалар белән «Китап битләрен ябыштырабыз» дигән кул хезмәте буенча дәрес оештырдылар, игелек турында викторина һәм төрле кызыклы уеннар үткәрделәр.

«Мондый очрашулар безне бер-беребезгә карата сизгеррәк һәм игътибарлырак булырга өнди, аңда ярдәм итү һәм ярдәмләшү кыйммәтен ныгыта», – ди тәрбияче Ирина Здобнова.