Балалар белән эшләүдә инновацион технологияләр һәм формалар куллану

2020 елның 16 феврале, якшәмбе

Бөгелмәнең «Ялкын» балалар һәм яшүсмерләр өчен социаль приюты белгечләре тәрбиячеләр өчен «Тернәкләндерү медиациясе нигезендә куллану хезмәте» дигән темага семинар-практикум уздырдылар.

Педагоглар игътибарына тәрбияләнүчеләрнең психоэмоциональ торышын өйрәнүгә, балалар һәм ата-ана мөнәсәбәтләрен торгызуга, яшьтәшләре белән мөнәсәбәтләрне җайга салуга юнәлдерелгән психологик уеннар тәкъдим ителде.

Тәрбияләнүчеләргә үзләренең эмоциональ халәтен чагылдырырга һәм агрессия белән идарә итүдә ярдәм итү өчен «Роботлар» уен методикасы кулланыла.

Семинар метафорик карталар кулланып уйный торган күнегү белән тәмамланды.