ТАССРның 100 еллыгы алдыннан Азнакай интернат-йортындагылар тематик күргәзмәдә булдылар

2020 елның 14 феврале, җомга

«Мәгариф» музее Азнакай картлар һәм инвалидлар өчен интернат-йортында яшәүчеләргә ТАССР төзелүнең 100 еллыгына багышланган күргәзмәне карарга мөмкинлек бирде.

Күргәзмәдә Татарстан Республикасын торгызуга һәм үстерүгә зур өлеш керткән күренекле ватандашлар коллекцияләре тәкъдим ителгән. Музей экспонатлары арасында документаль һәйкәлләр һәм шәхси әйберләр, кием-салым, китаплар, фоторәсемнәр бар.

Социаль хезмәтләрдән файдаланучылар ТАССРның барлыкка килү тарихы, аның социаль-сәяси һәм мәдәни үсеше белән таныштылар. Алар викторина сорауларына җавап бирделәр, актив рәвештә үзләренең белемнәрен күрсәттеләр.