Минзәлә комплекслы үзәге карамагындагы балалар хис-тойгылар дөньясын таныйлар

2020 елның 14 феврале, җомга

Стресска каршы тору, яшүсмерләрнең психик сәламәтлеген саклау һәм ныгыту программасы кысаларында Минзәлә халыкка социаль хезмәт күрсәтү комплекслы үзәге психологы Светлана Соловьева «Безнең хисләр»дигән төркемле дәрес үткәрде.

Дәреснең максаты – яшүсмерләрнең эмоциональ өлкә турында белемнәрен киңәйтү. Тренинг барышында катнашучылар эмоцияләрнең төрләре һәм функцияләре, аларның күренешләре һәм кичерешләре турында белемнәр алдылар. Күнегүләр балаларга үз хис-тойгыларын аңларга ярдәм итте.