Совет районында узган вакансияләр ярминкәсендә 250 дән артык кеше катнашты

2020 елның 13 феврале, пәнҗешәмбе

Кичә, 12 февраль көнне, Казанның халыкны эш белән тәэмин итү үзәгенең Совет районы буенча филиалында вакантлы эш урыннары ярминкәсе оештырылды. Чарага 252 кеше килде.

Эш эзләүчеләргә 6 оешма түбәндәге белгечлекләр буенча эш урыннары тәкъдим итте: ягулык җиһазлары автослесаре, автобус, автомобиль һәм трамвай йөртүчеләре, кибет директоры, диспетчер, цех башлыгы, кондуктор, насос җайланмалары машинисты, клиентлар белән эшләү менеджеры, слесарь-ремонтчы, кадрлар белгече, телефончы, товар белгече, токарь һ.б.

47 кеше эш бирүчеләр белән әңгәмәгә юллама алды.