Казанда мөмкинлекләре чикләнгән балалар эшләре хәйрия күргәзмәсе узачак

2020 елның 13 феврале, пәнҗешәмбе

Серафим Саровский мәхәлләсе һәм «Кайгырту» инвалид балалар ата-аналарының төбәк иҗтимагый оешмасы мөмкинлекләре чикләнгән балалар өчен керамика эше буенча дәресләр үткәрә. Узган ел проектны үстерүгә РФ Президенты гранты бирелде. Әлеге эшчәнлек кысаларында балалар һәм аларның әти-әниләре тарафыннан ясалган эшләнмәләр хәйрия ярминкәсе-күргәзмәсе оештырылачак.

Чара программасында: керамик эшләнмәләр күргәзмәсе һәм сату, мөмкинлекләре чикләнгән балаларның сәнгать эшләре күргәзмәсе, фотокүргәзмә, иҗади мастер-класслар һәм төрле коллективларның чыгышлары.

Күргәзмә 2020 елның 1 мартында Казан шәһәре, Академик Королев ур., 47 йорт адресы буенча урнашкан «Мәскәү» мәдәният үзәгендә узачак. Чара 12.00 сәгатьтән 16.00 сәгатькә кадәр барачак.