Министр урынбасары Клара Таҗетдинова Балык Бистәсе районында халык җыенында катнашты

2020 елның 3 феврале, дүшәмбе

Шушы көннәрдә Балык Бистәсе районының Шумково авылында гражданнар җыены булып узды, анда Татарстан Республикасы Хезмәт, халыкны эш белән тәэмин итү һәм социаль яклау министры урынбасары Клара Таҗетдинова да катнашты.

Катнашучылар алдында Балык Бистәсе районы башлыгы И.Р. Таҗетдинов, Шумково авыл җирлеге башлыгы А.Р. Шәйдуллин һ.б. чыгыш ясадылар. Агымдагы елга планнар арасында Хутор авылы юлын реконструкцияләү, Олы Укмас авылында балалар мәйданчыгы сатып алу һәм урнаштыру, шулай ук энергияне саклый торган урам яктырткычлары куюны атадылар.