Алабуга интернат-йорты федераль һәм республика проектларын тормышка ашыра

2020 елның 12 феврале, чәршәмбе

ТАССР төзелүнең 100 еллыгына багышланган чаралар һәм «Демография» проекты кысаларында Алабуга өлкәннәр һәм инвалидлар өчен интернат-йортында Мальцево авылы иҗат коллективы әзерләгән концерт программасы булып узды.

Кунаклар интернат-йортта яшәүчеләрне татар, рус, украин телләрендәге җыр-биюләр, үзләре тегкән искиткеч костюмнар белән сөендерделәр.

Өлкән кешеләр һәм Бөек Ватан сугышы ветераннары кунакларга бүләк иткән матур бәйрәм өчен чын күңелдән рәхмәт белдерделәр, иҗади уңышлар һәм сәламәтлек теләделәр.