Зәйдә Социаль хезмәткәр мәктәбендә чираттагы дәрес узды
28 гыйнвар көнне Зәй районындагы «Шатлык» халыкка социаль хезмәт күрсәтү комплекслы үзәгендә Социаль хезмәткәр мәктәбенең чираттагы дәресе узды. Әлеге чарада өйдә социаль хезмәт күрсәтү бүлегендә эшләүче 25 социаль хезмәткәр катнашты.
Социаль хезмәткәрләр практик тормышта очрый торган ситуацион бурычларны хәл иттеләр. Шулай ук социаль хезмәт күрсәтү мәсьәләләре каралды.
Юрисконсульт Г.К. Хуҗиәхмәтова 2020 елның 1 гыйнварыннан үз көченә кергән яңа законнар һәм башка норматив документлар белән таныштырды.
Өйдә социаль хезмәт күрсәтү бүлеге мөдире Любовь Николаевна эшнең төп аспектларына тукталды, чыгышының ахырында ул Җиңүнең 75 еллыгын бәйрәм итү уңаеннан ветераннарга аерым игътибар бирергә кирәклеген билгеләп үтте.
Шулай ук социаль хезмәткәрләр белән хезмәтне саклау һәм янгын куркынычсызлыгы буенча инструктаж үткәрелде.
Даими рәвештә уздырылучы Социаль хезмәткәр мәктәбе хезмәткәрләрнең һөнәри дәрәҗәсен һәм компетентлыгын арттыра, күрсәтелә торган хезмәтләрнең сыйфатын яхшырта.