Зәйдә социаль учреждениеләренең 2019 ел өчен эшенә йомгак ясалды

2020 елның 27 гыйнвары, дүшәмбе

24 нче гыйнвар көнне Зәйнең «Шатлык» халыкка социаль хезмәт күрсәтү комплекслы үзәгендә Татарстан Республикасы Хезмәт, халыкны эш белән тәэмин итү һәм социаль яклау министрлыгы карамагындагы учреждениеләр коллективларының еллык җыелышы узды.

Киңәшмә район башлыгы Разиф Кәримовның сәламләү сүзе һәм аның Зәй муниципаль районының 2019 елда социаль-икътисади үсеш нәтиҗәләре һәм 2020 елга бурычлар турындагы доклады белән башланып китте.

Социаль яклау бүлеге җитәкчесе Эльмира Хуҗина бүлекнең эш нәтиҗәләре турында сөйләде һәм агымдагы елга куелган бурычлар белән таныштырды.

Район башлыгы социаль учреждениеләрнең эшен югары бәяләде, хезмәткәрләргә армый-талмый хезмәт итүләре өчен рәхмәт белдерде.