Татарстан Республикасы Хезмәт, халыкны эш белән тәэмин итү һәм социаль яклау министрлыгы

Мәгариф өлкәсендә эштән китүләр саны сизелерлек арткан

2012 елның 16 ноябре, җомга

7 нче ноябрьдән 14 нче ноябрьгә кадәр булган хисап атнасында республиканың төрле тармакларыннан 822 кеше эштән азат ителгән (эшсез дип танылганнар арасында). Эшсез калучылар рәтендә мәгариф өлкәсендә тир түккәннәр дә шактый – 81 кеше. Бу - эшсез дип танылганнарның 9,8%ын тәшкил итә. Моңа охшаш хәл мәгариф өлкәсендә генә түгел, икътисадый эшчәнлекнең бөтен төрләрендә дә диярлек очрый. Мисал өчен, эшкәртүче җитештерү тармагында 141 кеше эштән киткән (14%), сәүдә тармагыннан 142 кеше (17%). Алардан реиэлтор оешмалары (62 кеше эшсез калган), авыл хуҗалыгы тармагы, төзелеш һәм дәүләт идарәсе өлкәләре дә калышмый. Соңгыларының һәркайсы 61 әр хезмәткәрен югалткан.

Узган атнада болардан тыш түбәндәге эшчәнлек төрләрендә дә эштән азат итү очраклары күзәтелгән. Транспорт һәм элемтә – 58, сәламәтлек саклау – 40, финанс эшчәнлеге – 33 кеше. Кунакханә һәм рестораннардан да 19 кеше китеп барган. Файдалы казылмалар табу тармагы 18 хезмәткәрен югалтса, электроэнергия, газ, су җитештерү һәм тарату тармагыннан 8 кеше киткән. Балыкчылыкта гына бер эш югалту очрагы да күзәтелми.

Министрлыкның матбугат хезмәте үзәге

БАРЛЫК ЯҢАЛЫКЛАРНЫ УКУ