Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

Авыл хуҗалыгы өлкәсендә тир түгүче оешмаларда хезмәт хакы буенча бурычлар күп җыелган

2012 елның 16 ноябре, җомга

Авыл хуҗалыгы өлкәсендә тир түгүче оешмаларның хезмәт хакы буенча бурычлары 4,5 тапкырга артып киткән. Татарстанстат мәгълүматларына караганда, 1 нче ноябрьгә ул 19 миллион сумны тәшкил итә.

Авыл хуҗалыгы – узган айда хезмәт хакы буенча бурычлар арту күзәтелгән республиканың бердәнбер эре тармагы. Бераз өметлерәк хәл эшкәртүче җитештерү тармагында күзәтелә. Биредә 1 нче октябрьдән алып 1 нче ноябрьгә кадәр булган вакыт аралыгында бурычларны якынча 2 тапкырга киметергә мөмкин булды. Хәзер алар 12 миллион 864 меңне тәшкил итә. Шулай ук калдыклар, кулланылышта булган сулар агызу белән шөгыльләнүче предприятиеләрдә дә бурычлар 2 тапкырга кимегән. Агымдагы ел башына хезмәткәрләргә түләнмәгән акчалар суммасы 2 миллион 230 меңгә кими төшкән.

Төзелеш һәм мәдәният өлкәсендә эшләүче оешмаларда исә хезмәт хакы буенча бурычлар артык күп кимемәгән. Аларда бурыч суммасы 12 миллион 982 мең һәм 4 миллион 283 меңне тәшкил итә.

Электроэнергия, газ, су җитештерү һәм бүлү тармагындагы оешмаларда бурычлар күләмендә әллә ни үзгәрешләр күзәтелми. Бу тармакта хезмәт хакы буенча бурычлар шулай ук 13 миллионны тәшкил итә.

Министрлыкның матбугат хезмәте үзәге

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Бөтенроссия эшкә урнаштыру ярминкәсенең төбәк этабы 17 апрельдә узачак

Соңгы биш елда Татарстан икътисадына 92 меңнән артык кеше җәлеп ителгән. Республикада мәшгульлек дәрәҗәсе Россиядәге уртача күрсәткечләрдән югарырак, әмма билгеле бер дисбаланс саклана: 49 мең вакансия булганда рәсми рәвештә 3,6 мең эшсез теркәлгән. Бу хакта Татарстан Республикасы хезмәт, халыкны эш белән тәэмин итү һәм социаль яклау министры урынбасары Клара Таҗетдинова Бөтенроссия Эшкә урнаштыру ярминкәсенең төбәк этабын уздыруга багышланган матбугат конференциясендә сөйләде.

Яшел Үзән кадрлар үзәгенең яшүсмерләрне эшкә урнаштыру тәҗрибәсе иң яхшысы дип табылды

Яшел Үзәннең «Россия эше» кадрлар үзәге «Яшүсмерләрне җаваплы эшкә урнаштыру» Бөтенроссия конкурсында «Закон белән конфликтта булган һәм авыр тормыш хәлендә булган балигъ булмаганнарны эшкә урнаштыруның иң яхшы практикасы» номинациясендә җиңеп, югары бүләккә лаек булды.

апрель, 2026 ел

«Апрель» тернәкләндерү үзәге 25 еллыгын билгеләп үтте

Казанда «Апрель» мөмкинлекләре чикләнгән балалар һәм яшүсмерләр өчен тернәкләндерү үзәгенең юбилей кичәсе узды. Бәйрәм чарасы «Могҗизалар илендә 25 ел: апрель әкияте» дигән символик исем астында узды һәм юбилей уңаеннан тантана гына түгел, ә бу елларда көн саен чын могҗизалар кылган, балаларга беренче адымнарын ясарга, талантларын ачарга, авырлыкларны җиңәргә һәм үз-үзләренә ышанырга ярдәм иткән кешеләр турында җылы, эмоциональ хикәя булды.

Социаль хезмәтләр алучылар «Абилимпикс» чемпионатының төбәк этабында уңышлы чыгыш ясый

Яр Чаллы медицина көллиятендә инвалидлар һәм сәламәтлек мөмкинлекләре чикләнгән затлар арасында һөнәри осталык буенча «Абилимпикс» чемпионатының төбәк этабы узды.

ЯҢАЛЫКЛАРГА ЯЗЫЛУ