Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

Бурычлы предприятиеләрнең 2636 хезмәткәрләре хезмәт хакы ала алмый

2012 елның 15 ноябре, пәнҗешәмбе

Татарстанстат мәгълүматларына караганда, 1 нче ноябрьгә республиканың бурычлы предприятиеләрендә тир түгүче 2636 эшче хезмәт хакларын ала алмый. Иң күп түләнмәгән акчалар җыелган өлкә – авыл хуҗалыгы тармагы, биредә 1016 кеше хезмәт хакы алмаган. Шулай ук эшкәртүче җитештерү оешмаларында эшләүчеләр дә эшләгән акчаларыннан мәхрүм калган – монда андыйлар 695 кеше исәпләнә. Бераз азрак саннар төзелеш өлкәсендә (508 кеше) күзәтелә. Электроэнергия, газ, су җитештерү һәм бүлү тармагына керүче һәм калдыклар, кулланылышта булган сулар агызу белән шөгыльләнүче предприятиеләрдә 203 һәм 159 ар кеше хезмәт хакын ала алмый тилмерә.

Мәдәният өлкәсендәге оешмаларда 55 кешегә хезмәт хакы түләнми – бу иң аз күрсәткеч. Әмма шуны билгеләргә кирәк – бу өлкәдә кеше башыннан исәпләгәндә иң зур күләм түләнмәгән хезмәт хакы суммасы күзәтелә: бер эшчегә 77 мең сум.

Министрлыкның матбугат хезмәте үзәге

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Бөтенроссия эшкә урнаштыру ярминкәсенең төбәк этабы 17 апрельдә узачак

Соңгы биш елда Татарстан икътисадына 92 меңнән артык кеше җәлеп ителгән. Республикада мәшгульлек дәрәҗәсе Россиядәге уртача күрсәткечләрдән югарырак, әмма билгеле бер дисбаланс саклана: 49 мең вакансия булганда рәсми рәвештә 3,6 мең эшсез теркәлгән. Бу хакта Татарстан Республикасы хезмәт, халыкны эш белән тәэмин итү һәм социаль яклау министры урынбасары Клара Таҗетдинова Бөтенроссия Эшкә урнаштыру ярминкәсенең төбәк этабын уздыруга багышланган матбугат конференциясендә сөйләде.

Яшел Үзән кадрлар үзәгенең яшүсмерләрне эшкә урнаштыру тәҗрибәсе иң яхшысы дип табылды

Яшел Үзәннең «Россия эше» кадрлар үзәге «Яшүсмерләрне җаваплы эшкә урнаштыру» Бөтенроссия конкурсында «Закон белән конфликтта булган һәм авыр тормыш хәлендә булган балигъ булмаганнарны эшкә урнаштыруның иң яхшы практикасы» номинациясендә җиңеп, югары бүләккә лаек булды.

апрель, 2026 ел

«Апрель» тернәкләндерү үзәге 25 еллыгын билгеләп үтте

Казанда «Апрель» мөмкинлекләре чикләнгән балалар һәм яшүсмерләр өчен тернәкләндерү үзәгенең юбилей кичәсе узды. Бәйрәм чарасы «Могҗизалар илендә 25 ел: апрель әкияте» дигән символик исем астында узды һәм юбилей уңаеннан тантана гына түгел, ә бу елларда көн саен чын могҗизалар кылган, балаларга беренче адымнарын ясарга, талантларын ачарга, авырлыкларны җиңәргә һәм үз-үзләренә ышанырга ярдәм иткән кешеләр турында җылы, эмоциональ хикәя булды.

Социаль хезмәтләр алучылар «Абилимпикс» чемпионатының төбәк этабында уңышлы чыгыш ясый

Яр Чаллы медицина көллиятендә инвалидлар һәм сәламәтлек мөмкинлекләре чикләнгән затлар арасында һөнәри осталык буенча «Абилимпикс» чемпионатының төбәк этабы узды.

ЯҢАЛЫКЛАРГА ЯЗЫЛУ