Бурычлы предприятиеләр бурычларын кайтаралар

2012 елның 13 ноябре, сишәмбе
Узган октябрь аенда бурычлы предприятиеләр хезмәт хакы буенча җыелган бурычларын актив рәвештә кайтара  башладылар. Иң күп бурычлар кимегән өлкә – эшкәртүче җитештерү тармагы булды. Биредә бурычлар 10 миллион 720 меңгә кимегән. Төзелеш оешмаларында әлеге акчалар 2 миллион 607 меңгә азайган. Калдык сулар җыю белән шөгыльләнүче оешмаларның да эшчеләренә булган бурычлары 2 миллион 34 мең сумга кими төшкән.
Моннан ары мәдәният өлкәсендә эшләүче оешмаларда да бурычларны бераз киметүгә ирешкәннәр – 155 мең сум акча үз хуҗаларына кайткан.
Тулаем алганда, 1 нче октябрьдән алып 1 нче ноябрьгә кадәр булган вакыт аралыгында хезмәт хакы буенча бурычлар 15,5 миллион сумга кимегән.
Уңай картинаны авыл хуҗалыгы өлкәсендә күзәтелүче ситуация бозып тора. Биредә бурычлар сизелерлек дәрәҗәдә арткан. Көз ахыры җитештерелгән авыл хуҗалыгы продукциясен  актив сату, димәк, керем алу белән сыйфатлануга карамастан, хезмәт хакы буенча бурычлар 14 миллион сумнан да артып киткән.
Йомгаклап шуны әйтергә була – республика буенча түләнмәгән хезмәт хакының күләме 678 мең сумга кимегән. Бу – бурыч суммасының 1 %ын тәшкил итә.
Министрлыкның матбугат хезмәте үзәге
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык
Документлар
Матбугат хезмәте
Гражданнарның мөрәҗәгатьләре
Адрес: 420044, Казан шәһәре, Волгоград урамы, 47
Телефон: кайнар элемтә: 8-800-100-00-01, 557-21-12 (Халык белән эшләү секторы)
Факс: +7 (843) 523-90-74
E-Mail: mtsz@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International