Татарстанның 13 башлангыч һәм урта белем учреждениесендә белем алучылар Мәскәүнең WorldSkills Russia беренче Ачык чемпионатында республика данын яклаячак

2012 елның 12 ноябре, дүшәмбе
WorldSkills Russia беренче Ачык чемпионатында катнашу өчен сорау язулары кабул итү башланып китте. Чемпионат 20-22 ноябрь көннәрендә Мәскәүдә узачак. Әлеге һөнәри осталык  бәйгесендә Мәскәүдән һәм төбәкләрдән килгән команда һәм конкурсантлар катнашыр дип көтелә.
Эшче һәм инженер һөнәрләрен популярлаштыручы бу конкурста Татарстан данын укуда да, эштә дә кыю-оста булган, башлангыч һәм урта һөнәри белем учреждениеләрендә белем алучы егет-кызлар яклаячак.  Мәскәүгә 13 уку йортыннан 50 кешелек делегация китәчәк. Татарстан башкаласыннан Казан төзелеш көллияте,  Б.Г.Макшанцев исемендәге 33 нче һөнәри лицей, Казан дәүләт һөнәри-педагогик көллияте, Казан политехник көллияте, Халыкара сервис көллияте, Кече һәм урта эшмәкәрлек көллияте, 41 нче һөнәри көллият укучылары әлеге конкурста катнашырга теләк белдергәннәр. Яр Чаллыдан исә бәйгегә Яр Чаллы дәүләт сәүдә-технология институты, Яр Чаллы политехник көллияте, Кама дәүләт автомеханика техникумы вәкилләре барыр дип көтелә. Түбән Кама эретеп ябыштыру-монтаж көллияте һәм Түбән Кама агросәнәгать көллиятеннән дә катнашучылар булачак.
Конкурсантлар кирпеч салу, балта эше, идән һәм диварлар тышлау, эретеп ябыштыру, автомеханика, шулай ук пешекчелек, чәчтараш сәнгатендә дә иң яхшы булу өчен көч сынашачаклар.
Министрлыкның матбугат хезмәте үзәге
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык
Документлар
Матбугат хезмәте
Гражданнарның мөрәҗәгатьләре
Адрес: 420044, Казан шәһәре, Волгоград урамы, 47
Телефон: кайнар элемтә: 8-800-100-00-01, 557-21-12 (Халык белән эшләү секторы)
Факс: +7 (843) 523-90-74
E-Mail: mtsz@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International