Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

Казанда эшсезләр саны арту темпы зурая бара

2012 елның 9 ноябре, җомга

Республика башкаласында эш белән тәэмин итү үзәкләренә исәпкә баскан эшсезләр саны арта бара. 31 нче октябрьдән 7 нче ноябрьгә кадәр булган хисап атнасында эшсезләр саны арту темпы 1,25%ны тәшкил итте. Исегезгә төшереп китик, эшсезләр саны арту темпы ул аерым бер вакыт аралыгында эшсезләр саны арту суммасының гомуми эшсезләр санының моннан алдагы күрсәткечләренә нисбәтеннән гыйбарәт.

Казанда узган атна эчендә барлыгы 183 кеше эшсез дип танылган. Аларның 134 - эштән җибәрелгәннәр. Шуларның 93 эш урыннарын үз ихтыярлары белән калдырып киткән.

Билгеләргә кирәк, башкаланың эш белән тәэмин итү үзәкләренә исәпкә баскан бер эшсезгә 3,5 кә якын вакансия туры килә.

Министрлыкның матбугат хезмәте үзәге

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Бөтенроссия эшкә урнаштыру ярминкәсенең төбәк этабы 17 апрельдә узачак

Соңгы биш елда Татарстан икътисадына 92 меңнән артык кеше җәлеп ителгән. Республикада мәшгульлек дәрәҗәсе Россиядәге уртача күрсәткечләрдән югарырак, әмма билгеле бер дисбаланс саклана: 49 мең вакансия булганда рәсми рәвештә 3,6 мең эшсез теркәлгән. Бу хакта Татарстан Республикасы хезмәт, халыкны эш белән тәэмин итү һәм социаль яклау министры урынбасары Клара Таҗетдинова Бөтенроссия Эшкә урнаштыру ярминкәсенең төбәк этабын уздыруга багышланган матбугат конференциясендә сөйләде.

Яшел Үзән кадрлар үзәгенең яшүсмерләрне эшкә урнаштыру тәҗрибәсе иң яхшысы дип табылды

Яшел Үзәннең «Россия эше» кадрлар үзәге «Яшүсмерләрне җаваплы эшкә урнаштыру» Бөтенроссия конкурсында «Закон белән конфликтта булган һәм авыр тормыш хәлендә булган балигъ булмаганнарны эшкә урнаштыруның иң яхшы практикасы» номинациясендә җиңеп, югары бүләккә лаек булды.

апрель, 2026 ел

«Апрель» тернәкләндерү үзәге 25 еллыгын билгеләп үтте

Казанда «Апрель» мөмкинлекләре чикләнгән балалар һәм яшүсмерләр өчен тернәкләндерү үзәгенең юбилей кичәсе узды. Бәйрәм чарасы «Могҗизалар илендә 25 ел: апрель әкияте» дигән символик исем астында узды һәм юбилей уңаеннан тантана гына түгел, ә бу елларда көн саен чын могҗизалар кылган, балаларга беренче адымнарын ясарга, талантларын ачарга, авырлыкларны җиңәргә һәм үз-үзләренә ышанырга ярдәм иткән кешеләр турында җылы, эмоциональ хикәя булды.

Социаль хезмәтләр алучылар «Абилимпикс» чемпионатының төбәк этабында уңышлы чыгыш ясый

Яр Чаллы медицина көллиятендә инвалидлар һәм сәламәтлек мөмкинлекләре чикләнгән затлар арасында һөнәри осталык буенча «Абилимпикс» чемпионатының төбәк этабы узды.

ЯҢАЛЫКЛАРГА ЯЗЫЛУ