Азнакай районында "Кем булырга, нинди булырга?" һөнәри юнәлеш бирүче проект тормышка ашырыла
Азнакай халыкны эш белән тәэмин итү үзәге белгечләре Казанның "БИНК" социаль-эш клубы белән берлектә һөнәри юнәлеш бирүче "Кем булырга, нинди булырга?" һөнәри юнәлеш бирүче проект чаралары циклы үткәрелде.
Укучылар һәм аларның әти-әниләре өчен эшкуар Илсур Шакировның җитештерү мәйданчыгына "Кече бизнес - олы киләчәк", дигән экскурсия оештырылды, анда балалар интерьер һәм декор предметлары буларак декоратив агач эшләнмәләрнең лазер станогында эшләү процессы белән таныштылар. Экскурсиягә 35 кеше килде.
- 1 нче гомуми белем бирү мәктәбе базасында доцент, практик психолог, психология фәннәре кандидаты Е. Багрова 9-10 сыйныф укучылары өчен "Хезмәт базарының заманча тенденцияләре: профессиядән компетенцияләргә" дигән төркем коуч-сессиясен үткәрде (35 кеше). Тренингның төп максаты - үзеңне аңлы рәвештә эзләү культурасын формалаштыру, үз һөнәри алга китеш.
- Азнакай политехника техникумында 8-9 сыйныф укучылары пешекче, официант, чәчтараш, электр, газ белән эретеп ябыштыручы, штукатур-буяр һөнәрләре буенча "Һөнәри пробалар павильоны" гамәли марафонында катнаша алдылар.
- "Яшьләр үзәгендә" "Чатыр-Тау" компаниясе җитәкчесе Рөстәм Шакиров 8-10 сыйныф укучылары өчен "Уңыш формуласы" мастер-класс үткәрде, анда шикәр мамыгы җитештерү аша бизнес төзүне күрсәтте.
Укучылар үзлектән шикәр мамыгы ясарга өйрәнделәр.
- "Яшьләр үзәге"ндә 8-10 сыйныф укучылары өчен район җитәкчелеге, КФУ профессоры М. Мостафин, доцент, психолог, психологик фәннәр кандидаты Е.Багрова, шәһәр һәм районның актив эшмәкәрләре катнашында "Тормыш стратегиясе" темасына "Түгәрәк өстәл" үткәрелде. Шакиров Рөстәм үз эшчәнлеге турында сөйләде, аларга үз бизнеслары белән якыннанрак танышырга мөмкинлек бирде, үз алдына бурычлар куярга һәм аларны үтәргә этәрде.