"Изгелек" инвалидларны тернәкләндерү үзәгендә "Тою хисләрен үстерү" шөгыле
Яр Чаллының "Изгелек" инвалидларны тернәкләндерү үзәгендә психолог Чулпан Галләмова социаль хезмәт алучыга "Тою хисләрен үстерү" дигән шөгыль үткәрде.
Тоя белү процессы - ул объектларга турыдан-туры кагылганнан соң алынган нәтиҗә. Аны сизү һәм тою процессы дип тә атыйлар. Тоя белү процессының асылы - кагылган предметларны, аларга бирелгән характеристикаларны, үзенчәлекләрне тиешенчә чагылдырудан гыйбарәт.
Чарада, тою хисләрен үстерү максаты белән, социаль хезмәт алучы Глүс Бәшәров психолог ярдәме белән төрле текстуралы тактил-үсеш панель-такта кулланды. "Санны сизеп ал" күнегүендә Глүснең кулына карандашның кире ягы белән сан язылды, ул йомык күзләр белән язылган санны дөрес итеп әйтеп бирде. Соңыннан ул кулларына массаж, ә бармакларына гимнастика ясады.
Социаль хезмәт алучы Глус Бәшәров тою хислэрен үстерүдә мондый чаралар үткәрү нәтиҗәле дип билгеләп үтте.