Кама Тамагы предприятиесе хезмәт хакы буенча бурычын кайтарды
ТР Хезмәт, халыкны эш белән белән тәэмин итү һәм социаль яклау министрлыгы дәүләт һәм җирле үзидарә органнары, контроль-күзәтчелек, хокук саклау, салым органнары белән берлектәге эшчәнлеген дәвам итә.
Бу хезмәттәшлек эш кешеләренең хезмәт хокукларын саклауны, атап әйткәндә, тулы хезмәт хакын үз вакытында бирдертүдән гыйбарәт.
Республика халкының тормыш дәрәҗәсен күтәрү, хезмәт, чит ил хезмәткәрләрен җәлеп итү ведомствоара комиссиясе һәм республиканың социаль-хезмәт мөнәсәбәтләрен көйләү комиссиясе карамагындагы хезмәткә түләү, керем һәм халыкның яшәү дәрәҗәсе буенча координация советы катнашында Татарстан предприятияләрендә хезмәт хакы бурычлары кайтарыла. Кама Тамагы муниципаль районы предприятиесендә хезмәт хакы буенча әҗәт түләнде.
Агынты суларны җыю һәм эшкәртү белән шөгыльләнүче "Кама Тамагы коммуналь челтәрләре" ААҖ үзенең 25 хезмәткәре алдында 547,0 мең сумлык бурычын каплады.