"Кояшкай" тернәкләндерү үзәгендә балалар әниләр өчен открытка ясады
Яр Чаллы шәһәренең "Кояшкай" мөмкинлекләре чикле балалар һәм яшүсмерләр тернәкләндерү үзәгендә 21 ноябрь көнне 13-нче номерлы балалар сәнгать мәктәбенең тәрбия эшләре бүлеге мөдире Э. Сөнгатова, сәнгать бүлеге педагоглары Р.Салахиева, Е. Кураева яраткан әниләренә открытка ясау буенча мастер-класс үткәрде. Мастер класста 15 инвалид бала катнашты.
Педагоглар балаларга үз куллары белән ясалган открытканың вак-төяк түгел, ә күңелле бүләк булуын аңлаттылар.
Мондый, үз куллары белән ясалган открытка әнигә, һичшиксез, ошар, чөнки бала аны мөстәкыйль ясаган, хәтта аңа өлкәннәр ярдәм итсә дә.
Мастер-класста катнашучыларның һәрберсе үзенең иҗади сәләтләрен күрсәтте, эшне пөхтә һәм зур кызыксыну белән башкарды.
Котлау открыткасында балалар әниләрен ярату һәм назлау сүзләрен яздылар.