Түбән Камада эшсез гражданнар һөнәри белем ала
Түбән Кама халыкны эш белән тәэмин итү үзәге юлламасы буенча районның эшсез гражданнары һөнәр үзләштерә.
Шулай итеп, Кама Аланы шәһәр тибындагы бистәдән 15 кеше "6 разрядлы шәхси сакчы" программасы буенча белем ала. Укыту "БАТЫР-НЧ" ДПО базасында тормышка ашырыла. 266 уку сәгатен үз эченә алган программага түбәндәге уку дисциплиналары керә: хокукый, тактик-махсус, техник, психологик, утлы әзерлек, махсус чаралар куллану, беренче ярдәм, махсус физик әзерлек.
Укулар тәмамланганнан соң тыңлаучыларга һөнәри әзерлек турында таныклыклар биреләчәк.
Шулай ук мәшгульлек үзәге тарафыннан 21 эшсез өчен "С категорияле машина йөртүче" (профессиональ әзерлек) һәм "С" категорияле машина йөртүчене "В" категориясенә яңадан әзерләү) программалары буенча һөнәри укыту оештырылган.
Укыту Татарстан Республикасы ДОСААФ Түбән Кама автомәктәбе ПОУ базасында тормышка ашырыла. Уку программасына түбәндәге уку дисциплиналары керә: транспорт чараларын урнаштыру һәм техник хезмәт күрсәтү, транспорт чаралары белән идарә итү нигезләре, транспорт чараларын йөртү, юл-транспорт һәлакәтендә беренче ярдәм, юл хәрәкәте өлкәсендә законнар нигезләре, машина йөртүче эшчәнлегенең психофизиологик нигезләре.