"Өмет чаткысы" үзәге карамагындагылар спорт уеннарында катнашты
Арчадагы “Өмет чыганагы” балалар тернәкләндерү үзәгендә Хәрби хезмәткә чакырылучылар көненә багышланган чара үткәрелде. Чараның максаты – үсеп килүче яшь буында кыю, батыр солдат булу теләге уяту, аларда патриотик хисләр тәрбияләү, ватанны саклаучылар турындагы күзаллауларын киңәйтү, мөhимлеген аңлату.
Балалар чарада бик теләп катнашты: хәрби хезмәт турында шигырләр сөйләделәр, рәсем ясадылар, презентация карадылар, тәрбиячеләр белән берлектә төрле спорт уеннары уйнадылар. Чара бик күңелле, кызыклы, спорт дәрте һәм шау-шу белән узды.
Тәрбияче Гүзәлия Вәлиева фикеренчә, мондый чаралар балаларны үз Ватаннарының чын саклаучылары итеп тәрбияләргә булыша, аларда батырлык, кыюлык, чыдамлык сыйфатларын үстерергә ярдәм итә. Спорт уеннары реабилитантларда дуслык хисе, үзара ярдәмләшү һәм бер-берсенә карата игелекле мөнәсәбәт тәрбияли.