"Чишмә" комплекслы үзәгендә хезмәт тернәкләндерү кабинеты эшли

2019 елның 11 ноябре, дүшәмбе

8 ноябрьдә "Чишмә" халыкка социаль хезмәт күрсәтү комплекслы үзәгенең социаль эш буенча белгече һәм хезмәт буенча инспектор "Тегү эше" хезмәт тернәкләндерү кабинетында "Оста куллар" клубы кысаларында чираттагы дәрес үткәрде.

Әлеге дәрес  “Электр тегү машинасын эшкә әзерләү" темасына  багышланган иде. Дәрестә катнашучылар да яңа күнекмәләр алу мөмкинлеге  генә түгел, ә үзләренең көнкүреш  бурычларын да хәл итә ала: кием ремонтлау, гаилә ихтыяҗлары өчен кирәкле тегү әйберләре ясау.

Шәхесне  ачуга ярдәм иткән җылы, дустанә атмосфера алган күнекмәләрне яхшырак үзләштерергә  ярдәм итте.