Татарстанда социаль приютларда тәрбияләнүчеләр арасында шигырь сөйләүчеләр конкурсы игълан ителде
Туган тел традицияләрен торгызу һәм талантлы балаларны ачыклау максатыннан, Татарстанда 2019 елның ноябрь-декабрь айларында балалар һәм яшүсмерләр социаль приютларда тәрбияләнүчеләр арасында "Туган тел" шигырь укучылар конкурсы уза.
Конкурсның бурычлары:
- балалар һәм яшүсмерләр арасында сәнгатьле укуны популярлаштыру;
- әдәби әсәрләргә карата уңай эмоциональ мөнәсәбәт тәрбияләү (шул исәптән якташ шагыйрьләрнең әсәрләренә дә);
- балалар һәм яшүсмерләрдә сәнгать тәмен һәм сәләтләрен үстерү.
Конкурста социаль приютларда тәрбияләнүче 8 яшьтән 18 яшькә кадәргеләр катнаша ала (бер социаль приюттан – бер тәрбияләнүче).
Шигырь укучылар конкурсында катнашучылар нәфис әдәбият әсәрләре (шигырьләр, проза) яисә автор әсәре (1 әсәр) тәкъдим итә. Чыгыш ясарга 5 минуттан артык вакыт бирелми. Әсәрнең телен катнашучы үзе сайлый. Чыгыш вакытында музыкаль ярдәм, декорацияләр, костюмнар кулланылырга мөмкин.
Катнашу өчен гаризалар 2019 елның 15 ноябренә кадәр электрон почтада кабул ителә. адрес: rrc.org@bk.ru "Шигырь укучылар конкурсы" билгесе уярга кирәк.
Конкурста җиңүчеләрне һәм призерларны бүләкләү тантанасы 2019 елның декабрендә булачак.
Конкурс үткәрү сораулары буенча консультацияләрне координатордан – Татарстан Республикасы Хезмәт, халыкны эш белән тәэмин итү һәм социаль яклау министрлыгының Республика ресурс үзәге 420107, Казан шәһәре, Петербург ур., 40 йортларыннан алырга мөмкин.
Тел./факс: (843) 236-48-50.