Казанның халыкка социаль хезмәт күрсәтү үзәгендә "Без бәхетле гаилә сайлыйбыз" социаль программа тормышка ашырыла
2019нчы елның сентябреннән Казан шәһәре (Авиатөзелеш районы) халыкка комплекслы социаль хезмәт күрсәтү үзәгенең гаилә һәм балаларга социаль ярдәм күрсәтү бүлегендә яхшы ата-ана булу нигезләрен һәм гармонияле бала-ата-ана мөнәсәбәтләрен формалаштыру буенча "Без бәхетле гаилә сайлыйбыз" комплекслы социаль программасы гамәлгә ашырыла.
Бу программа кысаларында психолог һәм социаль педагог тренинг элементлары белән "Минем гаиләм: очышлар һәм абынуларр" төркемле шөгылен уздырды. Шөгыльдә социаль куркыныч хәлдәге гаиләләрнең ата-аналары катнашты.
Тренинг барышында катнашучыларга "PERSONA" проектлы метафорик карталар белән эш тәкъдим ителде. Шөгыльнең мәгълүмати өлешендә катнашучыларга ата-ана тәрбиясе стильләре һәм аларның балалар тормышы сыйфатына тәэсире турында презентация узды. Ата-аналар кызыксыну белән гамәли биремне дә башкарды:танылган әкиятләрнең өзекләре буенча тәрбияләү стильләрен билгеләделәр. "Иларт" уен технологияләре үсеше академиясенең "Ата-аналар раунды" өстәл уенында катнашу ата-аналарга уңышлы тәҗрибәләре белән уртаклашырга, гаиләдә мөнәсәбәтләр төзү буенча кызыксындырган сорауларга җаваплар алырга мөмкинлек бирде.
Шөгыль катнашучыларга бала-ата-ана мөнәсәбәтләре рефлексиясенә, ата-аналарның тәрбия процессы һәм балигъ булмаган балалар үсеше турында белемнәрен актуальләштерергә ярдәм итте.