Яшел Үзән районында “Авылда эшмәкәрлек инициативасы – 2019” проекты дәвам итә
4 һәм 8 октябрендә Яшел Үзән шәһәре мәшгульлек үзәгенең мобиль офисы Олы Клүчә һәм Свияжск урта белем бирү мәктәпләрендә булдылар.
Авыл мәктәпләре укучылары “Авылда эшмәкәрлек инициативасы – 2019” бизнес-проектлар муниципаль конкурсы оештыручылары белән очраштылар. Чара Яшел Үзән шәһәре мәшгульлек үзәгенең “Минем эшче буласым килә, мине өйрәтсеннәр әле!” (“Я в рабочие пошел, пусть меня научат!”) һөнәри юнәлеш проекты кысаларында узды.
Яшел Үзәннең “Яшьлек” яшьләр иҗаты үзәге җитәкчесе Артур Хәйруллин мастер-класслар үткәрде, укучыларга кеше эшчәнлегенең төрле өлкәләрендә заманча технологияләр кулланып, авылда ничек бизнес проектлый башларга кирәклеге хакында сөйләде. Очрашу ахырында мәшгульлек үзәге белгечләре чыгарылыш сыйныф укучыларына һөнәри юнәлеш тесты уздырдылар.