Татарстанның өч моношәһәрендә эшсезләр саны кимү күзәтелә

2019 елның 2 октябре, чәршәмбе

Соңгы мәгълүматларга караганда, Яр Чаллыда рәсми рәвештә теркәлгән 1 107 эшсез граждан исәпләнә, бу узган хисап датасына караганда 38 кешегә кимрәк.

Шулау ук бу атнада Чистай һәм Түбән Камада эшсезләр саны кимүе күзәтелә, 2 октябрьгә әлеге мәшгульлек үзәкләрендә 221 һәм 823 эшсез теркәлгән.

Бу атнада Алабугада (+1) һәм Кама Аланында (+3) эшсез гражданнар саны бераз арткан.

Яшел Үзән һәм Менделеевскида бер атна эчендә хәл үзгәрмәде. Мәшгульлек үзәкләрендә 553 һәм 56 эшсез исәптә тора.