"Умырзая" тернәкләндерү үзәге белгечләре мөмкинлекләре чикле балаларның ата-аналарын укыта

Минзәлә районы "Умырзая" мөмкинлекләре чикле балалар һәм яшүсмерләр тернәкләндерү үзәгендә  эшчәнлекнең иң мөһим юнәлешләренең берсе -  гаиләләрнең коммуникатив сәләтләрен камилләштерү, аерым бала белән аралашу үзенчәлекләре турында белемнәрне тирәнәйтү һәм ата-аналарны  оптималь хезмәттәшлек ысулларына өйрәтү.

Мәсәлән, ДЦП диагнозлы балаларның ата-аналары өчен өй шартларында дәвалау физкультурасы күнекмәләрен куллана белү мөһим. Дәвалау физик культура инструкторы Вита Ханипова даими рәвештә ата-аналар белән консультацияләр һәм әңгәмәләр үткәрә. Өй шартларында тренажерларны куллану буенча дәресләр оештыра. Белгечнең ата-аналар белән дөрес итеп төзелгән эше уңай нәтиҗәләргә ирешергә ярдәм итә.