Казанда "Талантлар салават күпере – 2019" үзенчәлекле кешеләрнең иҗат фестивале узды
Бүген Казан психоневрология интернаты базасында "Талантлар салават күпере" исемле үзенчәлекле кешеләрнең иҗат фестивале булып узды. Конкурс Татарстан Республикасы психоневрологик интернатларында социаль хезмәт алучыларның иҗади активлыгын стимуллаштыру максатларында оештырылды.
Чарада министр урынбасары Юлия Абдреева, "Республика ресурс үзәге" дәүләт казна учреждениесе директоры Марина Горшунова, шулай ук республиканың барлык психоневрологик интернатлары җитәкчеләре катнашты.
Конкурста катнашучылар "Нәфис сүз", "Вокал", "Хореография", "Концерт һәм шоу-программалар алып баручылар" номинацияләрендә сәләтләрен күрсәтте. Чыгышларга компетентлы жюри бәя бирде. Конкурс номерлары төрлелеге һәм үзенчәлекләре белән аерылып торды. Рус халык һәм автор җырлары, шигырьләр декламациясе, – үзләренең якты һәм эмоциональ чыгышлары белән артистлар тамашачыларга һәм жюри әгъзаларына күтәренке кәеф бүләк итте. Барлык катнашучылар да яхшы әзерлек, артистлык, югары башкару осталыгын күрсәтте. Конкурс нәтиҗәләре буенча һәр номинациядә җиңүчеләргә лаеклы бүләкләр тапшырылды. Барлык катнашучыларга да истәлекле бүләкләр һәм татлы бүләкләр алды.
Хезмәт күрсәтелә торган гражданнарның әлеге категориясе өчен ел саен уздырыла торган сәнгать фестивале быел дүртенче тапкыр үтте. Фестиваль кысаларында инвалидлар күрсәткән осталыклар үзәк белгечләре тарафыннан ел дәвамында алып барылган зур эшнең үзенчәлекле нәтиҗәсе дип атарга мөмкин. Һәр чыгыш алдыннан сәхнәдә озак әзерлек чоры – сценарий язу, катнашучылар сайлау, текстлар яки җыр өйрәнү, бию хәрәкәтләрен эшкәртү, сәхнәдә чыгыш ясау өчен кирәкле психологик сыйфатларын үстерү, шулай ук чыгыш ясау өчен костюмнар, атрибутлар, декорацияләр әзерләү һ.б. бар.
Иҗади эшчәнлек хроник психик авырулардан интегүче инвалидларның психологик һәм социаль статусына уңай йогынты ясый. Ә фестивальдә катнашу алар өчен һәрвакыт бәйрәм.