Лениногорск мәшгульлек үзәге эшсез гражданнарны укытуны дәвам итә

2019 елның 27 августы, сишәмбе

Эшсез гражданнарның чираттагы төркеме Лениногорск шәһәре мәшгульлек үзәге тарафыннан һөнәри белем алуга юнәлдерелде. Биш кеше «1С: Предприятие» программасы белән эшләргә өйрәнә.

Уку барышында эшсез гражданнар 1С платформасы белән танышачак, «1С: Бухгалтерия», «1С: Управление торговлей», «1С: Документооборот» конфигурацияләре белән эшләргә өйрәнәчәк.

Укуларны уңышлы тәмамлаганнан соң һәр тыңлаучыга тиешле үрнәктәге таныклык биреләчәк.