«Веста» үзәгендә «Аист көтәбез» клубы үз эшен дәвам итә
«Демография» милли проектын тормышка ашыру кысаларында Түбән Каманың «Веста» гаиләгә һәм балаларга социаль ярдәм үзәге белгече Анастасия Ильина авырлы хатын-кызлар өчен төркемле дәрес үткәрде. «Аист көтәбез» клубы кысаларында оештырылган психологик тренинг «Эчтәге бала белән очрашу» темасына багышланган иде.
Әлеге чарага «Тормыш өчен» автоном коммерцияле булмаган оешманың Идел буе федераль округы координаторы Сергей Солонщиков чакырылган иде. Ул булачак әниләргә йөклелек чорында хатын-кызның сизгерлеге, күрү, ишетү һәм тактиль кабул итүе артуы турында сөйләде. Йөклелек вакытында, кунак сүзләренчә, уңай эмоцияләр алу бик мөһим, чөнки тискәре кичерешләр баланың үсешен тоткарлый. Дәрес ахырында белгеч катнашучыларга йөклелек вакытында файда китерәчәк 10 файдалы киңәш бирде.